Сайран түбін тазарту үшін Алматыда өзендер бөгелді

Алматыда соңғы елу жылда алғаш рет Сайран су қоймасының түбін лай мен қоқыстан тазарту жұмыстары жүргізілуде.

Алматыда бірден үш қалалық көлді тазалау жалғасуда. Сайран, Қарасу және Әуежай көлі аумағы лай мен кірден тазартылған. Олардың түбін реттеу үшін Есентай, Үлкен Алматы және Кіші Алматы өзендері бөгелді, деп хабарлайды Orda.kz елорда әкімдігіне сілтеме жасап.

«Сайран су қоймасының түбін механикалық тазалау соңғы 50 жылда алғаш рет жүргізіп отыр. Арна мен жағалауды тазалауға төрт экскаватор мен 30 самосвал жұмылдырылған. Жұмыс басталғалы 60 гектар аумақтан 140 мың текше метрден астам қоқыс пен лай шығарылды. Тазалық жұмыстары жақын арада аяқталады», - деді Алматы әкімдігі.

Сондай-ақ, Үлкен Алматы өзенінің арналары мен іргелес аумақтарын санитарлық тазалау жұмыстары бірінші тұнбадан Абай даңғылына дейін, Есентай өзенінің жекелеген учаскелері мен Кіші Алматы өзенінің Әл-Фараби даңғылынан Сәтбаев көшесіне дейінгі бөлігінде жүргізілуде.

Механикалық тазалаудың негізгі мақсаты – биологиялық процестерді сақтауға және су нысандарының экологиялық тепе-теңдігін қалпына келтіруге жағдай жасау.