Сайлауда ЕҚЫҰ-ның 300-ге жуық бақылаушысы жұмыс істейді

ЕҚЫҰ Демократиялық институттар және адам құқықтары жөніндегі бюросының (ДИАҚБ) сайлауды бақылау миссиясының жетекшісі журналистерге жұмысы туралы айтып берді.

ЕҚЫҰ Демократиялық институттар және адам құқықтары жөніндегі бюросының (ДИАҚБ) сайлауды бақылау миссиясының жетекшісі Урсула Гачек бүгін ол әріптестерімен жұмысты таңертең ерте бастағанын және сайлау учаскелері жабылған соң да  жалғастыратынын айтты.

— Бұл біз бүгін жұмыс істеп жатқан бірінші учаске. Бірақ соған қарамастан, сағат 06:30-дан бастап 300-ге жуық бақылаушыларымыз өз жұмысын бастады. Бұл тек Астанада ғана емес, Алматыда, Шығыс Қазақстан облысында және Қазақстанның басқа аймақтарында да бар, - деп нақтылады Гацек.

Оның айтуынша, жұмыс барысында олар электронды қаламмен толтыратын арнайы бланкі пайдаланады. Ол, әдетте, әрбір сайлау бақылаушысы осындай жүздеген үлгілерді толтыратынын айтты.

— Бірақ сайлау учаскелері жабылғаннан кейін де жұмысымыз бітпейді. Әріптестеріміз бақылау үшін сонда қалады. Дауыстар саналған соң да жұмысымыз аяқталмайды, - деді ЕҚЫҰ кеңсесі миссиясының басшысы.

Гачек бұл оның Қазақстанға екінші сапары екенін атап өтті. Ол бұған дейін 2019 жылғы сайлауда қызмет еткен.

— Бірақ ЕҚЫҰ ДИАҚБ үшін бұл 13-ші сайлау. Ертең баспасөз мәслихатында біздің миссиямыз қазан айында бастаған жұмысымыздың нәтижелерін жариялайды. Өткен жолғы сайлау мен қазіргі сайлауды салыстырмаймыз. Сондай-ақ, біз бір елдегі сайлау процесін басқа елдермен салыстырмаймыз. Әрбір сайлау жеке әрі ерекше, - деп түйіндеді ол.

Еске салайық, Қазақстанда алдағы президенттік сайлауда барлығы 10 101 сайлау учаскесі ашылады, сондай-ақ 53 елде 68 сайлау учаскесі жұмыс істейді.