Сайлау нәтижесі шықпаған: Путин Мирзиеевті жеңісімен құттықтады

Ресей президенті Владимир Путин Өзбекстан президентінің сайлау қорытындысы шықпай тұрып, Шавкат Мирзиеевті айқын жеңісімен құттықтады.

Бұл туралы Orda.kz Кремльдің баспасөз қызметіне сілтеме жасап хабарлайды.

«Телефон арқылы сөйлесу барысында Ресей Федерациясы президенті Владимир Путин Өзбекстан президенті Шавкат Мирзиеевті мемлекет басшысы сайлауындағы айқын жеңісімен құттықтады» делінген Кремль хабарламасында.

Сонымен қатар, Ресей-Өзбекстан стратегиялық серіктестік пен одақтастық қатынастарының бүкіл кешенін одан әрі дамытуға деген өзара көзқарас расталды.

«Ресей президенті Шавкат Мирзияевқа құттықтау жеделхатын жолдады» делінген Кремль хабарламасында.

Еске салсақ, 2021 жылы 24 қазан күні Өзбекстан президентінің сайлауы өтті. Сайлау нәтижелері Ташкент уақытымен сағат 16:00 жарияланады.