Саяси тұтқын Тимур Дәнебаев бостандыққа шықты

Белсенді Тимур Дәнебаев бостандыққа шықты, деп хабарлайды Orda.kz.

Бұл туралы Бақытжан Төреғожина мәлімдеді.

2022 жылғы Қаңтар оқиғасынан кейін Алматыға «20 мың террорист келгені» жайлы мәлімдемесі үшін президент Тоқаевқа қарсы қылмыстық іс қозғауға тырысқан Тимур Дәнебаев 2022 жылы ұсталып, 2023 жылы маусымда араздық тудырды деп 3 жылға сотталған болатын.

Кейін Атбасар түрмесінде оны түрме қызметкерлері азаптады. Оларға №1 мекемеде 41 адамға қатыгездік көрсеткені үшін айып тағылды. 

Orda.kz Тимур Дәнебаевтың ағасы, сотта жәбірленушінің өкілі ретінде қатысып жүрген Марат Дәнебаевтан сұхбат алған болатын.