«Саяси айқас»: Канаданың премьер-министрі АҚШ-қа қосылмайтынын кесіп айтты

Канаданың премьер-министрі Джастин Трюдо АҚШ-тың бұрынғы президенті Дональд Трамптың Канаданы аннексиялау туралы мәлімдемелеріне қатаң жауап берді, деп хабарлайды Orda.kz.

АҚШ-тың сайланған президенті Дональд Трамп тағы да Канадаға АҚШ-тың 51-ші штаты болуды ұсынды. 8 қаңтарда ол Truth әлеуметтік желісінде Канада АҚШ-тың бөлігі ретінде көрсетілген жаңа картаны жариялады.

Трамп осы жылдың қараша айында Канадаға қатысты жоспарын әлемге жариялаған болатын. Ол канадалықтарға салықтарды төмендетіп, 25%-дық баж салығын енгізуге уәде берді, бұл Канада экономикасын күйретуге әкеледі деп сенеді. Оның айтуынша, көптеген канадалықтар АҚШ-тың 51-ші штаты болуды қалайды.

«Канада енді үлкен сауда тапшылықтарын және өз экономикасына тіршілік ету үшін қажет дотацияларды көтере алмайды. Канада АҚШ-тың бөлігі болса, баж салығы болмайды, салықтар айтарлықтай төмендейді, ал олар Ресей мен Қытайдан келген қауіптерден толық қорғалады» деп жазды Трамп. 

Джастин Трюдо бұл пікірге қарсы:

«Канада ешқашан АҚШ-тың құрамына кірмейді!»  деген мәлімдеме жасады. 

Алайда бұл пікірге жауап қайтарғандар да болды. Техас штатынан Конгреске үміткер Валентина Гомес канадалық премьерге өз пікірін ашық айтып, сынай сөйледі:

«Егер Америка Канада АҚШ-тың құрамына кірсін десе, ол солай болады. Сенің қолыңнан не келеді, бозбала? Ештеңе де» деп жазды. 

Бұл сөздер әлеуметтік желіде қызу талқыға түсті. Пікірталас жақтаушылар мен сыншыларды екіге бөліп, үлкен резонанс туғызды.

Еске сала кетсек, Джастин Трюдо 6 қаңтарда отставкаға кететінін мәлімдеген болатын.