Саясат Нұрбек ЖОО-дағы ақылы оқу құны туралы пікір білдірді

Ғылым және жоғары білім министрі Саясат Нұрбек Қазақстанның жоғары оқу орындарындағы ақылы оқу құны жайлы өз пікірін мәлімдеді, деп хабарлайды Orda.kz порталы.

Мәжіліс кулуарларында Саясат Нұрбектен «еліміздің жоғары оқу орындарындағы оқу құны жоғары деп санамайсыз ба?» деген сұрақ қойылды. Ол ведомство оқу ақысын белгілеу бойынша консервативті саясат ұстанатынын айтты.

«Біз қадағалаймыз және бақылаймыз. Денсаулық сақтау министрлігіндегі медициналық оқу орындары бар. Біз тек академиялық саясат бөлігінде әсер етеміз. Егер оқу ақысын тым көп көтерген нақты фактілер болса, сіз бізге айтыңыз – тексереміз», - деп сендірді министр. 

Нұрбек көп университетте ақылы оқу құны грантқа қарағанда айтарлықтай төмен екенін тілге тиек етті. Грант құны 1,2 млн теңге мөлшерінде белгіленсе, онда мемлекеттік жоғары оқу орындарында бір жыл ішінде ақылы оқу құны 500-550 мың теңге. 

Жеке ЖОО-ларда да оқу құны жоғары. Саясат Нұрбек ақылы оқу құны жіті бақылауда екенін атап өтті.