Саябақтағы қайғылы оқиға: әткеншектегі бала өліміне кім жауапты?

Мәжіліс депутаты Артур Платонов премьер-министрдің орынбасары Роман Склярға ойын-сауық саябақтарындағы балалардың қауіпсіздігі үшін жеке жауапкершілікті тағайындаумен бақылауды қамтамасыз ету туралы өтінішпен жүгінді.

Бұл туралы Orda.kz хабарлады.

– Карантиндік режимнің әлсіреуімен ойын-сауық парктері өз жұмыстарын бастап үлгермеді, Оралда мамыр айындағы демалыс кезінде аттракциондағы апат салдарынан сегіз адам зардап шекті. Оның ішінде балалар болжамды түрде бірнеше жерін сындырып, милары шайқалып, ауруханаға жатқызылды.

Сондай-ақ, өткен жылдың қаңтарында Алматыда «Көк-Төбе» саябағындағы Катапульта аттракционына секіріп бара жатқан жасөспірім бес метр биіктіктен құлап, қол-аяғын сындырды.

Қарағандыда қатты желден үрлемелі аттракцион аударылып, 12 жасар бала зардап шекті. Тағы бірнеше бала ауыр жарақат алды.

Елордада батут желдің екпінінен аударылып, үш жастан жеті жасқа дейінгі бес бала жарақат алды, - деді Платонов Мәжіліс отырысында.

Мәжілісмен қайғылы оқиғалар елдің демалыс аймақтарында орын алатынын атап өтті. Мысалы, Алматыда 28 панфиловшылар саябағында үш жасар баланы жүк тиегіш қағып кетті. Бүлдіршін көз жұмды.

Нұротандық депутаттар ересектер мен балалардың қауіпсіздігіне әлі кепілдік берілмеген демалыс саябақтарын, ойын-сауық саябақтарын, аттракциондардың техникалық жағдайын бақылау бойынша жүйелі шаралар қабылдауды сұрады.

– Қайғылы оқиғалар бойынша жүргізілген тергеу барысында нысандарды орнату мен пайдалану ережелерінің өрескел бұзушылықтары анықталды. Бірақ жергілікті билік пен саябақ басшылығы, аттракциондар орнатуға рұқсат бермегенін мәлімдеді. Балалардың өлімі мен жарақатына кім жауапты? Олар өз кінәларын мойындамай, оны жәбірленушілердің өздеріне және олардың ата-аналарына аударады, - деп қосты Платонов.

Мәжілісмен атап өткендей, 2018 жылдан бастап ЕАЭО «Атракциондардың қауіпсіздігі туралы» техникалық реттеу стандарттары қолданыста болған. Бірақ берілген техникалық сертификаттар тіркелмеген, ал аттракциондардың қауіпсіз жұмысының жетекшісі меншік иесінің бұйрығымен тағайындалды.

– Аттракциондар міндетті түрде тіркелуі керек. Елімізде қанша нысан тіркелмеген? Қаншасы регламентке сәйкес құрылған комиссиялармен тексерілді? Жергілікті атқарушы органның шенеунігі бар ма? Барлық аттракциондар қажетті актілермен жасалған ба?

Осыған байланысты, Роман Васильевич сізден ойын-сауық саябақтарындағы балалардың қауіпсіздігі, жабдықтар мен оның сапасы үшін жеке жауапкершілікті тағайындай отырып, барлық деңгейдегі жүйелік бақылауды қамтамасыз етуіңізді сұраймыз, - деп қорытындылады Платонов.