Саин балалар мәселесі Тоқаевқа жетпей жатқанын айтты

Бала құқықтары жөніндегі арнайы уәкіл Аружан Саин оның Тоқаевпен кездесуіне кедергі келтіріліп жатқанын айтты.

Ол президентпен кездесуге ниет білдірген екі хат жолдағанын, оның бірі қабылданбағанын, екіншісінің мерзімі өтіп кеткенін айтты. Саин балалар мәселесінің  президентке толық жетпей жатқанына қынжылады.

— Балалар жылында Қазақстандағы барлық балалардың өмір сүру сапасын, құқықтарының сақталуын түбегейлі өзгертетін мемлекеттік реформалар жүзеге асырылуы тиіс. Еліміздегі  балалар құқықтарының сақталуына қатысты жазған хаттарым, талдауларым, статустарым соңғы кездері сізге жетпеген сияқты деп қорытынды жасауға мәжбүрмін, - дейді Саин Тоқаевқа.

Ол сондай-ақ,  Президент Әкімшілігінің бақылауындағы бірқатар реформалар (1-11 сынып оқушыларын мектептегі ыстық тамақпен және мектеп формасымен қамтамасыз ету) Балалар жылының жоспарына да енгізілмегенін, басқа реформаларды жүзеге асырудағы проблемалардың да көп екенін айтты.

Сайын жолдаған құжаттарда мемлекеттің балалар алдындағы міндеттердің орындалуы тікелей байланысты  барлық деңгейдегі атқарушы органдардың жұмысына, ел басшылығына жеткізілетін ақпараттың, статистиканың, деректердің сенімсіздігіне назар аударды.

— Бұл бүкіл мемлекеттік жүйенің жұмысына және Қазақстандағы балалардың нақты жағдайына айтарлықтай әсер етеді. Дегенмен, жасалған күш-жігерге қарамастан, балалар әлі күнге дейін алдын алуға болатын көптеген проблемалар мен бақытсыздықтарға кезігуде. Балалардың өмірі бірқатар қабылданатын шешімдерге байланысты, - деді Аружан Саин.

Ол ел президентіне қауіпсіздігі мен қорғалуын қамтамасыз ету бойынша да өз ойларын ашық айтты.

— Құрметті Қасым-Жомарт Кемелұлы, айтарлықтай нәтижелерге қол жеткізуге, барлық балалардың, соның ішінде мүгедектердің, түрлі аурулардан зардап шегетін жетім балалардың құқықтарын қамтамасыз ету, балалардың мүгедек болып қалуының алдын алу, қауіпсіздігі мен қорғалуын қамтамасыз ету бойынша практикалық шаралар қабылдауға болады деп есептеймін. Бұл  балаларды зорлық-зомбылықтан қорғауға, балаларға қатысты сыбайлас жемқорлықтың алдын алуға мүмкіндік береді, - дейді балалар уәкілі мемлекет басшысына.

Бұл үшін, Саинның пікірінше, балаларға қатысты барлық мемлекеттік процестерді, тетіктер мен есепке алуды құру және ашық ету, тиімді бюджеттік жоспарлауды және бүкіл атқарушы билік жүйесінің мінсіз жұмысын қамтамасыз ету керек. Бүгінде бұл нақты қадамдар мен қатаң бақылауды қажет етеді.

— Сіздердің назарларыңызға ҚАЖҚ-ға түскен өтініштер, қабылданған шаралар және Қазақстандағы балалар құқықтарын сақтаудың жүйелі мәселелері туралы ақпаратты жақын арада сізге жеткізуге мүмкіндігім болады деп сенемін, - деп түйіндеді ол.