Сәтқалиевтің қызы туралы видеоға министрлік пікір білдірді

Энергетика министрлігі әлеуметтік желіде пайда болған ведомство басшысы Алмасадам Сәтқалиевтің қызы туралы видеоға қатысты пікір білдірді.

«Әлеуметтік желілерде тараған жалған ақпаратқа жауап ретінде мынаны хабарлаймыз: Энергетика министрі қызының видеоға түскен сыныптасымен жеке қарым-қатынасы болған жоқ. Алмасадам Сәтқалиевтің өзі де тұңғыш президентпен ешқандай байланыста болмаған, туыстық қатысы да жоқ»  делінген Энергетика министрлігі таратқан хабарламада.

Ведомство заңға сәйкес, көрінеу жалған ақпарат тарату қылмыстық жауапкершілікке тартылатынын еске салды.

Алмасадам Сәтқалиев 4 сәуірде Энергетика министрі болып тағайындалды. Бұған дейін ол «Самұрық-Қазынаны» басқарған. Қолжетімді ақпарат бойынша  оның 5 баласы бар.