Садыр Жапаровтың күйеу баласы болудан қағылған жігіт түрмеден шықты

Қырғызстан президенті Садыр Жапаровтың күйеу баласы бола алмай қалған жігітке үкім шықты. Афтандил Сабырбековке есірткі таратқаны және қару-жарақ сатқаны үшін айып тағылды, деп хабарлайды Orda.kz. 

Афтандил Сабырбеков 2024 жылдың жазында Қырғызстан президентінің жиені Ләззат Нұрғожаеваға жалға алынған тікұшақпен үйлену туралы ұсыныс жасағаннан кейін танымал болды. Оқиға халық арасында қоғамдық резонанс тудырды. Кейін Садыр Жапаров болашақ күйеу баласын ысырапшылдыққа жол берді деп айыптап, кешірім сұрауға мәжбүрледі.

Бір айдан кейін Афтандил Сабырбеков пен оның ағасының ұсталғаны белгілі болды. Оған есірткі таратқаны және қару-жарақ сатқаны үшін айып тағылды.

Ләззат Нұрғожаеваның өзі 2025 жылдың ақпан айында тұрмысқа шықты. Оның таңдауы грек-рим күресінің балуаны, Қырғызстан олимпиада құрамасының мүшесі Амантур Исмаилов болды.

10 қазан күні Бішкектің Первомай аудандық соты Афтандил Сабырбековтің үкімін жариялады. Сот оның есірткіге байланысты айыбын жоққа шығарды. Сабырбеков «қару-жарақ пен оқ-дәрілердің заңсыз айналымы» бабы бойынша кінәлі деп танылды. Сот оны 2 жыл 6 айға бас бостандығынан айырды. Сонымен қатар, «екі күн қамауда отырғаны бір күн» деп қайта есептелді. Сот 2024 жылғы 4 шілдеден бастап 2025 жылғы 10 қазанға дейін қамауда ұстауды ескере отырып, тағайындалған жаза толығымен өтелді деп санады. Афтандил Сабырбеков сот залында босатылды.

Оның ағасы Тариэль Сабырбеков қылмыс құрамының болмауына байланысты бірнеше бап бойынша ақталды. Алайда ол «прокурордың, тергеушінің, анықтау органының қызметіне кедергі жасау» бабы бойынша кінәлі деп танылды. Оған 2 жылға бас бостандығынан айыру жазасы тағайындалды, бірақ бұл жаза да өтелді.

Айта кетейік, сөзге қалған қырғыз президентінің жиені спортшымен шаңырақ көтерді.