Саакашвили ауруханада соққыға жығылғанын хабарлады

Грузияның бұрынғы президенті Михаил Саакашвили Рустави қаласындағы түрмеден Тбилисидегі Глдани ауданындағы түрме ауруханасына жеткізілгеннен кейін соққыға жығылғанын айтты.

РИА Новости агенттігінің хабарлауынша, оның мәлімдемесі бар хатын брифинг барысында адвокат Ника Гварамия оқып берді.

Түрме ауруханасының қызметкерлері мені көліктен шығара бастады. Мен бас тартқаннан кейін олар мені күшпен итеріп жіберді, мойнымнан бірнеше рет ұрды. Олар мені шашымнан сүйреп апарды, әрине, мен оларға қарсыластым, - деді Гварамия экс-президенттің хатын оқып отырып.

Саакашвили жеке дәрігермен кездесуді талап етеді. Грузияның экс-президентінің айтуынша, ауруханаға ауыстырудағы мақсат – оның көзін жою.

Михаил Саакашвили Грузияда 1 қазан күні елге заңсыз кірген соң ұсталды. Саясаткер бірнеше жыл бұрын банкир Сандро Гиргвлианиді өлтіру ісі бойынша сырттай шығарылған үкіммен түрмеге жабылған. Айта кетейік, түрмеде Саакашвили аштық жариялады.