Сағынтаевтың орынбасары жаңа қызметке тағайындалды

Мемлекет басшысы Қасым-Жомарт Тоқаевтың өкімімен Ержан Бабақұмаров Орталық коммуникациялар қызметінің директоры болып тағайындалды.

«Мемлекет басшысының Өкімімен Ержан Жалбақұлы Бабақұмаров ҚР Президентінің жанындағы «Орталық коммуникациялар қызметі» республикалық мемлекеттік мекемесінің директоры болып тағайындалды» делінген хабарламада.

Сонымен қатар, мемлекет басшысының өкімімен Руслан Әлішев Орталық коммуникациялар қызметінің директоры қызметінен босатылды.

Бабақұмаров Ержан Жалбақұлы 1969 жылы 2 наурызда дүниеге келген.

1991 жылы әл-Фараби атындағы Қазақ мемлекеттік университетін саяси тарих мұғалімі мамандығы бойынша бітірген.

Еңбек өтілі:

• Қазақстанның даму институтының ішкі саясат бөлімінің меңгерушісі, саяси зерттеулер орталығының директоры (1995-1996).

• Алматы қаласы әкімі аппаратының бас маманы (1996).

• ҚР Президенті Әкімшілігінің аға референті, кеңесшісі, сектор меңгерушісі, ішкі саясат бөлімі меңгерушісінің орынбасары (1996-2004).

• ҚР Президенті Әкімшілігінің қоғамдық-саяси бөлімінің бас инспекторы (04.2004-09.2004).

• ҚР Президенті Әкімшілігінің Ішкі саясат бөлімінің ақпараттық-талдау орталығының меңгерушісі (09.2004-03.2005).

• ҚР Президенті Әкімшілігінің Ақпараттық-талдау орталығының меңгерушісі (03.2005-08.02.2006).

• Мәдениет және ақпарат вице-министрі; ҚР мәдениет, ақпарат және спорт (08.02.2006-28.10.2007).

• ҚР Мәдениет және ақпарат министрлігінің жауапты хатшысы (28.10.2007-27.05.2008).

• ҚР Премьер-Министрі Кеңсесі Басшысының орынбасары (05.2008-10.2012).

• ҚР Президенті жанындағы Орталық коммуникациялар қызметінің директоры (05.10.2012-08.06.2016).

• ҚР Премьер-Министрі Кеңсесі Басшысының орынбасары (06.2016-12.2018).

• ҚР Президенті Әкімшілігі Талдау және болжау орталығының меңгерушісі (12.2018-04.2019).

• ҚР Президентінің кеңесшісі (04.2019-07.2019).

• Алматы қаласы әкімінің орынбасары (07.2019-02.2022).