Сағынтаевтың артынан оның орынбасары да қызметінен кетті

Ержан Бабақұмаров бұған дейін әкімшіліктегі денсаулық сақтау, білім беру және ішкі саясат бөлімдерін басқарды.

Ержан Бабақұмаров Алматы әкімінің орынбасары қызметінен кетті, оның не себепті кеткені белгісіз. Орнына кім келетіні әлі айтылмады. Бұл Алматы қаласының жаңа әкімі Ерболат Досаевтың алғашқы кадрлық шешімі.

Бабақұмаровтың кетуі әкім ауысқаннан кейін келесі күні орын алды. 31 қаңтарда Қазақстан президенті Қасым-Жомарт Тоқаев Бақытжан Сағынтаевты басқа жұмысқа ауысуына байланысты қызметінен босатты.

Еске салсақ, Ержан Бабақұмаров 2019 жылдың шілдесінен бастап облыс әкімінің орынбасары қызметін атқарып келеді. Осы жылдары ол президенттің кеңесшісі, премьер-министр кеңсесі басшысының орынбасары, президент әкімшілігінің талдау және болжау орталығының меңгерушісі, президент жанындағы орталық коммуникациялар қызметінің жетекшісі болған.

Өзара текетірес

30 қаңтарда Алматы әкімінің тағы бір орынбасары Мақсат Қиқымов Бабақұмаров туралы теріс пікір айтты.

«НЕХабар» Telegram-арнасындағы чатта Алматы әкімі лауазымына ең үздік үміткерге дауыс беру барысында қала әкімінің орынбасары Мақсат Қиқымов түсініктемелерде балағат сөздер айтып, Бабақұмаровты теріс сипаттаған.

«Б*я мына Бабақұмаров 4-і күні жоқ еді, 5 қаңтар пайда болды. Онымен ешкім байланыса алмады. Ол наразылық білдірушілермен келіссөздер жасауы керек еді, бірақ оның орнына басқа адамдар шықты. Өтірікті оның бот-комментаторлары жазып жатыр» деп жазды Қиқымов чатта. Онда Алматыдағы наразылық кезінде «әкімдіктен жалғыз Бабақұмаров көзге түсті» деген пікір келтірілген.

ҚазТАГ Getcontact қосымшасы арқылы Бабақұмаровтың атына дөрекі сөздермен айтылған пікір авторының телефон нөмірін тексеріп, кем дегенде 100-ден астам адам оны телефон кітапшасына «Мақсат Қиқымов» деп жазып алғанын анықтады.