Сағынтаев әуежайдың жұмысқа дайын екендігін хабарлады

Алматы қаласының әкімі Бақытжан Сағынтаев халықаралық әуежайдың қоқыстан тазартылып, толық жұмысқа дайын екендігін айтты.

Аппараттық кеңес барысында Алматы әкімі қала әуежайындағы барлық жабдықтар сәйкестікке келтірілгенін және жұмысқа дайын екенін хабарлады.

— Оларға жұмыс істеу үшін интернет керек. Сонымен қатар, әуежайдағы бизнес нысандары әлі жұмыстарын бастаған жоқ. Біз осы мәселе бойынша антитеррористік орталықпен байланыстық, Түркісіб ауданындағы тазарту жұмыстарының аяқталуына аз қалды, операцияның нәтижесі бар, - деді қала әкімі.

Әкімнің айтуынша, қазір әуе компанияларымен келіссөздер жүргізіліп жатыр, жұмысқа рұқсат бар және бір күн ішінде әуежайды іске қосу бойынша жұмыстар жүргізілетін болады.