Сәуле Омарова АҚШ-тағы жоғары лауазымды қызметтен бас тартты

Сәуле Омарова АҚШ қаржы министрлігінің валюталық бақылау департаментінің басшысы қызметінен бас тартты. Бұл туралы сейсенбіде Ақ үй мәлімдеді.

Reuters агенттігінің мәліметіне сәйкес, бұған дейін оны бұл лауазымға АҚШ президенті Джо Байден ұсынған. Дегенмен, Сенатта өткен тыңдауда Омарова қатаң сынға ұшырады.

Өткен өмірін ақтауға мәжбүр болып, өзінің коммунист емес екенін және оның отбасы мүшелеріне коммунизм әсер еткенін айтты.

– Мен Сәуле Омарованың Банк реттеушісі басқармасының басшысы лауазымына кандидатурасын қайтарып алу туралы өтінішін қабылдадым, - делінген Байденнің мәлімдемесінде.

Сәуле Омарова 1966 жылы Орал қаласында дүниеге келген. Мәскеу мемлекеттік университетін, Висконсин университетін бітірген. Ол Корнелл университетінің банктік құқық профессорының міндетін атқарушы. Заң ғылымдарының докторы дәрежесі бар. Қазақ, орыс және ағылшын тілдерін біледі.