Сәтбаев қаласындағы даулы іс: 54 адам тергеуге алынды

44 азамат қамауда отыр, оларға қатысты шектеу шарасын өзгертуден бас тартылды.

Қарағанды облысының Сәтбаев қаласындағы 2020 жылдың 24 шілдесіне қараған түні жергілікті тұрғынның баланы ұрлап, зорлағаны туралы хабардан кейін басталған жаппай тәртіпсіздік туралы істі сотта қарай бастады, деп хабарлайды ORDA Азаттық радиосына сілтеме жасай отырып.

Сотталушылар 54 адам, оның ішінде үш кәмелетке толмаған азамат бар. Олардың 44-і күзетпен, қалғандары үйқамақта немесе ешқайда кетпеу туралы қолхатпен ұсталады. 18 ақпанда алдын-ала отырыс өтті, іс тергеу абақтысы қабырғасында өтуде. Істі Қарағанды облысының кәмелетке толмағандардың істері жөніндегі мамандандырылған қылмыстық сотының судьясы қарайды. Себебі, сотталушылардың арасында 18 жасқа толмаған балалар бар.

Тәртіпсіздіктерге қатысқаны үшін барлығы 57 адам айыпталуда, бірақ олардың екеуі іздеуде, тағы біреуі іздеу жарияланғаннан кейін тергеуде. Бұл күдіктілерге қатысты іс жеке өндіріске бөлінді.