СҚО тұрғындары үйлеріне 150 ту ілді

Облыстың жастар ресурстық орталығының ақпараты бойынша, солтүстік өңірдің жастары, Петропавл қаласы мен аудандардың көптеген тұрғындары «Менің туым-менің елім» науқанына қуана қатысқан. Осы күндері тұрғын үйлердің балкондары мен терезелерінде Қазақстанның туы іліне бастады.

 «Солтүстік Қазақстан облысында әртүрлі мекен-жайлар мен елді мекендерге 150-ден астам жалаулар ілініп, 600-ге жуық адам науқанға ат салысты. «Менің туым-менің елім» шақыруы азаматтардың тәуелсіз Қазақстанның басты мемлекеттік рәміздерінің бірі - туға деген құрметін көрсетеді. Мемлекеттік ту - оның бірегейлігі мен егемендігін бейнелейтін Қазақстан Республикасының маңызды атрибуттарының бірі », - деп атап өтті жастар ресурстық орталығы.