СҚО полицейлері аудан тұрғынынан 2 келіден астам есірткі тәркіледі

Polisia.kz. хабарлауынша СҚО аудан орталығының тұрғынынан екі келіден астам есірткі тәркіленген.

Бұл  кезекті рет заңсыз айналымнан тәркіленген есірткі. Тайынша ауданының полицейлері ҰҚК СҚО бойынша департаменті қызметкерлерімен бірлескен жедел-іздестіру іс-шаралары барысында аудан орталығының 52 жастағы тұрғынын қолға түсірді. Оның сөмкесінен өсімдік тектес зат салынған пластик қап табылды.

Сараптаманың қорытындысына сәйкес, ол кептірілген марихуана болып шықты. Салмағын ескерсек, бұл  есірткінің аса ірі көлеміне жатады.

Аталған факті ҚР Қылмыстық кодексінің 296-бабы 4-б. (есірткі, психотроптық заттармен, сол тектестермен өткізу мақсатында заңсыз жұмыс істеу) бойынша Сотқа дейінгі тергеп-тексерулер тізіліміне енгізілді.

 — Аталған қылмыс түрінің әлеуметтік қаупі жоғары болуына байланысты есірткінің заңсыз айналымына ерекше көңіл бөлінеді,- дейді Тайынша ауданының ПБ бастығы Нұрлыжан Ақтанов.

Жыл басынан бері аталған ауданда есірткімен заңсыз жұмыс істеудің бес фактісі тіркелді.