Сәкен Бибосыновтың жеңісі: спортшы төрешілерді "жемқор" деп айыптады

Жеңіл салмақта WBO тұжырымы бойынша әлем чемпионы америкалық Шакур Стивенсон 2021 жылы Белградта өткен әлем чемпионатында отандасы Роско Хиллдің қазақстандық Сәкен Бибосыновтан жеңіліп қалғанына наразылығын білдірді.

Vesti.kz сайтының хабарлауынша, сол жекпе-жектің нәтижесі төрешілердің бірауыздан қабылдаған шешімімен Бибосыновтың жеңісі Қазақстанға 2021 жылғы әлем чемпионатының екінші алтынын әкелді.

Алайда Стивенсон соңғы үкіммен келіспейді және Халықаралық бокс қауымдастығын (AIBA) жемқорлыққа қатысы бар деп айыптады.

«Мен балақай Роско Хилл екінші және үшінші раундтарда жеңіске жетті деп ойладым. Бұл төрешілер көзбояушылықпен айналысты. Ол шынымен мықты, мен оны екінші және үшінші раундтарда жеңді деп ойладым. Бірінші раундта 10-8 есеп өте қорқынышты болды - AIBA әлі де жемқор!» деп жазды Стивенсон Twitter-де.

He’s really good I thought he won the 2nd and the 3rd round.. And the 10-8 in the first round was horrible - AIBA is still corrupted! https://t.co/C6Wem9Lhpf

— Shakur Stevenson (@ShakurStevenson) November 6, 2021

Оған 2019 жылғы әлем чемпионатының және 2020 жылғы Олимпиаданың күміс жүлдегері, америкалық боксшы Кишон Дэвис қолдау көрсетті.

«Олар, әрине, әлем чемпионатында Роско Хиллді алдады. Мен көрген ең ақылға қонымсыз шешім – тайға таңба басқандай анық қой. Әуесқой жүйе болғандықтан ешкім бұл туралы айтпайды...» деп жазды Дэвис Twitter-де.

They definitely cheated Roscoe Hill in the world championships. The craziest decision I ever seen its clear as day. And nobody speaks on it only because its the amateur system . . . #everythingisbusiness

— Keyshawn Davis (@KeyshawnDavis8) November 7, 2021