Сүйіктісін «бір топ боп зорлады» деген күдікті изоляторда асылып қалды
Полиция департаменті бүгін 34 жастағы азаматтың тергеу изоляторында асылып қалғанын хабаралды. Ол «Бір топ адамдар жасаған зорлау» бабы бойынша күдікті деп танылған. Өзін марқұмның туысы деп таныстырған Арман Сабдиров facebook парақшасында оқиғаның екінші жақ бетін жазған.
27 қаңтар күні полиция департаментіне өзін зорлады деп хабарласқан жәбірленушінің арызы келіп түскен. Арызда ол өзін ұрып-соққанын және бірнеше адам болып зорлағаны туралы жазған. Осы іс бойынша 1988 және 1991 жылғы азаматтар құрықталып, тергеу изоляторына қамалады. ПД баспасөз қызметінің ақпаратына сәйкес ұсталғандардың бірі қамауға алынғаннан кейін екі сағаттан соң жейдесінің жеңіне асылып қалған.
Оқиғаның екінші жағы: ағасының әңгімесінен
Марқұмның туысымын деп желіде пікір қалдырған Арман Сабдиров інісінің денесі Алмалы аудандық полиция департаментінен табылғанын және мәйіттің денесінде көгермеген жері жоқ екендігін жазады. Ол інісіне құқық қорғау органы өкілдері қысым көрсетті деп болжам жасаған.
27 қаңтар күні Арманның інісін полиция қызметкерлері алып кетіп, ертесі күні тек оның өлі денесін қайтарған. Мәйіттің денесіне сараптама жасау үшін тәуелсіз сарапшыларды шақырмағанын, қазір осы іспен Алмалы аудандық ІІБ айналысып жатқанын айтқан азамат істің әділетті боларына күмән келтіреді.
«Біз қазір полиция жасаған қылмыстарын жасырып қалу үшін қолдан келгенін істейді деп қорқып отырмыз. Маған 27 қаңтар күні сағат 11:00 шамасында Мұрат хабарласып, қызының арызы бойынша өзін Бостандық ауданының полиция басқармасына алып кеткенін айтты. Ол менің келуімді өтінді, кейін қайта хабарласып келмей-ақ қойсаң болады, қазір түсініктеме алып үйге жібереді деді. Мұрат байланысқа шықпаған соң мен Бостандық ауданының ПБ-сына бардым, олар маған оны Алатау аудандық ПБ-на алып кетті деп айтты, бірақ ол онда да жоқ болып шықты. Ең ақырында оны Алмалы аудандық ІІБ-сына алып кеткенін білдім» делінген жазбада.
Марқұмның ағасы інісін іздегенін, бірақ таба алмағанын жазады. Кейін оған туысы хабарласып полицияның Мұраттың өлімі туралы хабарлағанын айтқан. Мұраттың денесін мәйітханадан алатынын естіген.
«Сол күні мен інімінің денесін мәйітханадан алып кеттім. Бірақ көрген дүниемнен мен шошып қалдым. Оның денесінде көгерген жерлер көп болды: аяғы, шынтағы, қолы, арқасы, тырнақтары, мойыны. Бас бармағы сынған болуы мүмкін. Айта берсең өте көп. Менің інімді азаптағанына шүбәм жоқ. Менің інім мұнай саласында жобалармен айналысатын, өз компаниясы бар, компанияларды басқарған, түрлі кәсіпкерлік қызметтермен айналысты, көп жоспарлары болды, достарының ортасынла сыйлы еді. Оның өлу туралы ойы болмағанын нақты білемін. Біз Мұратты жексенбі күні ақтық сапарға шығарып салдық» деп жазды Арман Сабдиров.
Інісінің қазасына қайғырған Арман Сабдиров оның кінәсі болса ақтамайтынын, егер дәлелденсе жазалануға да қарсы еместігін жазған. Бірақ ол оның бәрі заң аясында, ұрып-соғусыз болу керек деп санайды.
«Сол оқиғадан бері бес күн өтті. Ішкі істер бөлімінің қабырғасында не болғанын түсіндіретін бір адам табылмады. Егер ол кінәлі болса, мен оны ақтамаймын, дегенмен кінәсі анықталған азаматтардың барлығы заңды түрде жазасын алу керек деп санаймын. Тергеу кезінде азаптау жұмыстарын жүргізуге жол беруге болмайды» дейді марқұмның ағасы.
Жазба соңында президент Қасым-Тоқаевқа қайырылған азамат өзін осы іс бойынша жәбірленуші деп танып, іске қатысты материалмен таныстыруды сұраған. Ол әрмен қарай обьективті түрде зерттеу жүргізіліп, сол күні ақиқатында не болғанын анықтағысы келеді.
Полиция таратқан ақпарат
27 қаңтарда полицияға 35 жастағы әйел хабарласып, жүйелі түрде топтық зорлау әрекеттеріне ұшырағанын айтып шағымданады. Полиция жәбірленушінің бірнеше күн қамауда ұстағанын анықтайды. Полиция департаментінің ақпаратына сәйкес, бейтаныс ер адамның төрт күн бойы Саялы ықшамауданындағы пәтерінде жәбірленушіні күштеп ұстап, бірнеше рет зорлағаны арызда айтылған.
Одан әрі арызданушы 25 қаңтарда бұл азамат өзінің досымен бірге Алмалы ауданындағы тұрғын үйлердің біріндегі жалдамалы пәтерге әкеліп, қатты ұрып-соғып, бірнеше рет зорлағанын көрсетеді. Тәртіп сақшылары ҚР Қылмыстық кодексінің «Бір топ адамдар жасаған зорлау» бабы бойынша арызды тіркеді. Осы қылмысты жасады деген күдікпен 1988 және 1981 жылы туған ер адамдар ұсталды.
«Алмалы ауданы ПБ камерасында ұстау кезінде 1988 жылы туылған ер адам қамауға алынғаннан кейін екі сағаттан соң жейдесінің жеңіне асылып, өз-өзіне қол жұмсады» деп хабарлады ПД баспасөз қызметі.
Өз-өзіне қол жұмсау фактісі уақытша ұстау изоляторында орнатылған бейнебақылау камерасына түсірілген. Аталған факті бойынша сотқа дейінгі тергеу басталды.
Жаңалықтар
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді