«Рыжий Алмаздың» жаңа кітабы жарыққа шықты

«Рыжий Алмаз» лақап атымен танымал, 90-шы жылдары қылмыс әлемінің серкесі болған Несіпбай Нәсенов туралы кітап жарыққа шықты. Алдағы уақытта кітап бойынша фильм түсіру жоспарланып жатыр.

«Халқымыздың тарихында өмірінің соңына дейін ішкі-сыртқы жаумен арпалысып, жанын тәуекелге тігіп, тағдырдың сынағына сынбай, көп дүниені басынан кешірген Қазақтың арланы Несіпбай Нәсенов (Рыжий Алмаз) ағамыз жайындағы тұнғыш төл туындымыз жарыққа шықты.

Несіпбай Нәсенов ағамыздың өмірбаяны мен жүріп өткен жолы туралы көптеген сұрақтардың жауабын осы кітаптан таба аласыздар.

Кітаптың саны шектеулі» делінген Instagram әлеуметтік желісінде жарияланған жазбада.

Кітап авторы - кәсіпкер Бекжан Нәлібаев. Кітапта қылмыс әлемінің серкесі дүниеге келген сәттен бастап, оның ақырғы демі таусылғанша дейінгі өмірі баяндалған. Кітап орыс тілінде жарыққа шыққан. 450 беттен тұрады. Кітапта марқұм Несіпбек Нәсеновтың эксклюзивті суреттері мен ол туралы бұрын соңды еш жерде айтылмаған ақпараттар жинағы жарияланған. Кітап 2018 жылы жазыла бастаған.

Еске салсақ, Несіпбай Нәсенов 1961 жылы Семейде дүниеге келген. 90-шы жылдары Қазақстанның қылмыс әлемінің серкесі деп танылып, айыпталып, бірнеше рет түрмеге қамалған. Рыжий Алмаз жасырынып жүріп, Испанияда белгісіз жағдайда көз жұмған.