Рыбакина Олимпиаданың екінші айналымына өтті

Қазақстанның теннисші Елена Рыбакина Олимпиада ойындарының екінші айналымына өтті.

Отандасымыз алғашқы айналымда аустралиялық Саманта Стосурды жеңді.  

1 сағат 11 минутқа созылған кездесу 6:4, 6:2 есебімен аяқталды.

Еске саларлығы жерлесіміз екінші айналымда Майар Абдельазиз (мысыр) - Ребеке Петерсон (Швеция) жұбының жеңімпазымен кездеседі.

— Ойын кезінде ауа-райы қолайсыз, өте ыстық болды. Алғашқы кездесуде жеңіске жеткеніме қуаныштымын. Енді сейсенбіде швед Ребекка Петерсенге қарсы ойнаймын. Мен жеңіске жету үшін барымды саламын, - деді Елена.

Петерсен мен Рыбакина 2019 жылы Қытайдың Наньчан қаласында өткен WTA Халықаралық сериялы турнирінің финалында ойнады. Бұл кездесуде Елена екі сетте қарсыласына есе жіберген болатын.