Рыбакина қазақстандықтарға үндеу жасады

Париж Олимипадасына қатыса алмаған қазақстандық теннисші Елена Рыбакина қазақ елінен кешірім сұрады.

«Құрметті қазақстандықтар, жанкүйерлер, алдарыңызға шығып, мән-жайды түсіндіруді жөн санадым. Париж Олимпиадасына Қазақстан құрамасының атынан қатыса алмағаным үшін көңілім қатты құлазыды. Мен құрамамен бірге дайындалдым, көп еңбек еттім, медаль әкелгім келді. Бірақ дәл ойынның алдында ауырып, қызуым көтерілді, тыныс алуым қиындады. Сондықтан дәрігерлер кортқа шығуға тыйым салды. Сіздердің маған үлкен сенім артқандарыңызды білемін. Барлық қазақстандық жанкүйерлерден кешірім сұраймын», - деді Рыбакина.

Көптеген қазақстандықтар осымен үшінші рет ел атынан жарысқа қатыса алмаған Рыбакинаға әлеуметтік желіде өз наразылықтарын білдірген еді.

Еске салсақ, теннистен әйелдер ұлттық құрамасының көшбасшысы Елена Рыбакина Париж Олимпиадасы басталар алдын денсаулығына байланысты бас тарту туралы мәлімдеме жасаған еді.