Рудныйдағы кәсіпорында жұмысшы қаза тапты

Рудныйдағы Соколовско-Сарыбай тау-кен байыту өндірістік бірлестігі аумағында жұмысшының қаза тапқанын компания өкілдері растады.

Темірбетонды еденді бөлшектеу кезінде ер адам қаза тапты. Компания оның SSGPO қызметкері емес, мердігердің қызметкері екенін атап өтті.

«Шынымен, апат болды. «SSGPO» АҚ ұжымы мен басшылығы марқұмның отбасына қайғыларына ортақтасып көңіл айтады. Оқиға бойынша тергеу жүріп жатыр»,- деді ERG ресми өкілі Дмитрий Попазов.

Ол қайғылы оқиғаның мән-жайы тергеу аяқталмайынша айтылмайтынын атап өтті.