Рудныйда кәріз құдығында жұмысшы қаза тапты

Оқиға Транспорт көшесінде болған. Құтқарушылар кәріз құдығынан жас жігіттің денесін алып шықты, деп хабарлайды «Город» ақпарат агенттігі.

Қайғылы оқиға кезінде марқұмның тазалау жұмыстарын жүргізіп жатқаны белгілі болды.

«Құтқарушылар кәріз құдығынан тазалау жұмыстарын жүргізіп жатқан жұмысшының денесін алып шықты. 1993 жылы туған ер адам жедел жәрдем қызметкерлеріне тапсырылды, олар оның қайтыс болғанын растады», деп хабарлады Қостанай облысының Төтенше жағдайлар департаменті. 

Ер адамның қайтыс болуының мән-жайы анықталуда.