Рудныйда балалар үйінің тәрбиеленушісі зорланды

Қостанай облысында балалар үйінің тәрбиеленушісін зорлау фактісі тергеліп жатыр.

Бұл туралы Orda.kz хабарлады.

Зорлық-зомбылыққа қарсы қозғалыстың жетекшісі Дина Таңсәрі ішкі істер министрі Ерлан Тұрғымбаевтан ашық түрде Рудныйдағы балалар үйінің қызметкері кәмелеттік жасқа толмаған тәрбиеленушіні зорлағаны үшін қамауға алынды деген ақпаратты растауды немесе жоққа шығаруды сұрады.

- Жасөспірім қызға екі жыл бойы зорлық-зомбылық көрсетілген. Бізге зорлық фактісі бойынша ДНҚ-ны жинап, дәлелденді деген ақпарат келді. Бұл қызметкерден зардап шеккен тағы бір қыз бар екені белгілі болды. Тәрбиеленуші қызметкер жазасыз қалады деп қорқып, куәлік бергісі келмей отыр, - деді Таңсәрі.

Қостанай облысының полиция департаменті тергеу басталғанын хабарлады. Зорлауға күдікті 43 жастағы ер адам қамауға алынды.

Қостанай облысының білім басқармасы тәрбиеленушімен білікті психологтар жұмыс істейтініне сендірді.

- Психологтардың мобильді тобы өткізген іс-шаралар нәтижесінде басқа балаларға қатысты зорлық-зомбылық фактілері анықталмады. Мәселе біздің ерекше бақылауымызда, - деп қорытындылады басшылық.

Күдікті ҚР Қылмыстық кодексінің 120-бабы бойынша 20 жылға бас бостандығынан айрылуы мүмкін.