Рудный тұрғыны атыс шығарды

Полицейлер пәтер балконынан жылқыларға оқ атқан Рудный тұрғынын ұстады.

Бұл туралы Orda.kz хабарлады.

— 22 тамызда сағат 17.30 шамасында 32 жастағы ер адам мас күйінде екінші қабаттағы пәтерінің балконынан қараусыз жүрген жылқыларға қарай пневматикалық тапаншадан бірнеше оқ атқан, - деп хабарлайды Қостанай облысы полиция департаментінің баспасөз қызметі.  

Полицейлердің айтуынша, аталған факт тіркеліп, пневматикалық тапанша тәркіленіп, процессуалдық шешім қабылданады. Сондай-ақ, жылқылардың иесін анықтау үшін шаралар қабылдануда.  

Полиция аталған оқиға салдарынан зардап шеккендер мен қаза тапқандар жоқ екенін жеткізді.