Рудный әкімі қазақ сыныбының тапшылығын айтып шағымданды

26 мамыр 2025 18:32 Альфия Адамбек

Фото: «Наша газета»

Рудный әкімі Виктор Ионенко қазақ тілінде сабақ өтетін сыныптардың жетіспейтінін айтып шағымданды, деп хабарлайды Orda.kz «Наша газета»-ға сілтеме жасап.

Әкімнің айтуынша, 11-шағын ауданда салынып жатқан 900 орындық жаңа мектеп оқушылары толығымен мемлекеттік тілде оқытылатын болады.

«Жаңа мектепке қосалқы станциядан екі электрмен жабдықтау кабелі жүргізілді. Жылумен, сумен және кәрізбен қамтамасыз етілді. Байланыс желісі қосылды. Бұл мектеп 100% мемлекеттік тілде жұмыс істейді. ERG қаражатына салынып жатқан 1200 орындық тағы бір мектеп орыс тілді болады. Қазіргі № 2 гимназия сол жерге ауыстырылады», — деді әкім.

Виктор Ионенко жаңа мектептер 1 қыркүйекке дейін ашылатынын мәлімдеді. Әкімнің айтуынша, оған мемлекеттік тілде оқуға мүмкіндіктің жоқтығы туралы сұрақ жиі қойылады екен. Әкім мектепті бір тілден екінші тілге ауыстыру үшін мұғалімдер қажет екенін мәлімдеді.

Әкіммен кездесу барысында Рудный қаласының тұрғыны балаларының № 4 мектепте оқитынын айтты. Ол бастауыш сыныпта оқушылар қазақ тілінде оқығанын, ал 5-сыныптан бастап тек орыс тілінде оқып жатқанына шағымданды. Тұрғын бұл мәселені білім бөлімінің бастығына да айтқан.

«Рудныйда мемлекеттік тілді арттыру мәселесі қаралып жатыр. Халық саны бойынша біздің қалада және жақын ауылдарда халықтың 36 %-ы қазақтар, ал орыс тілді ұлттар — 54 %. Сондықтан түсіністікпен қарау керек», — деп жауап берді Рудный әкімінің орынбасары Сәкен Көкішев.

Айта кетейік, 25 мамырда Сәтбаев қаласында мас жүргізуші жасөспірімдерді қағып кеткен еді.

Жаңалықтар

барлық жаңалықтар