Өрт салдарынан 348 жұмыскер шахтадан шұғыл шығарылды

«АрселорМиттал Теміртау» АҚ Саран шахтасында өрт шықты, деп хабарлады АМТ баспасөз қызметі.

—  2021 жылы 12 наурызда «АрселорМиттал Теміртау» АҚ Саран шахтасында үшінші ауысымда конвейердің көлбеу қиылысында өрт шықты. Дереу төтенше жағдайды жою жоспары енгізіліп, РВС ПВАСС бөлімшелері шақырылды, делінген хабарламада.

Шахтада 348 жұмысшы болған, олардың барлығы шұғыл түрде жер бетіне шығарылды. Зардап шеккендер жоқ.

Шахтада апатты жою және өрттің себептерін анықтау жұмыстары жүргізілуде.

Еске салсақ, 2016 жылы Саран шахтасында төрт кеншінің өмірін қиған қайғылы оқиға орын алған.