Өртенген «Алтын бұлақ-2» жайында —Төтенше жағдайлар департаменті

Алматы қаласының Төтенше жағдайлар департаменті «Алтын бұлақ-2» тұрғын үй кешеніндегі түнгі өрттің мән-жайын айтты.

Алматы қаласының Төтенше жағдайлар департаменті «Алтын бұлақ-2» тұрғын үй кешеніндегі түнгі өрттің мән-жайын баяндады. Құтқарушылар 18 қабатты тұрғын үйден 177 адамды эвакуациялады.

«2021 жылғы 10 желтоқсанда сағат 23:58-де Алматы қаласы Төтенше жағдайлар қызметінің күштері мен құралдары күшейтілген деңгейде Алмалы ауданы, Брусиловский, 167 мекенжайы бойынша аттанды. 00:08-де өрт сөндіру бөлімшелері келген кезде «Алтын бұлақ-2» тұрғын үй кешенінің 18 қабатты тұрғын үйінің екі блогында кабель шахталары өртеніп жатқаны анықталды. Эвакуациялау жолдарында жоғары температура мен қою түтін пайда болды, соның салдарынан қауіп төнді. Құтқару жұмыстарын жүргізуге дереу барлық күштер мен құралдар жұмылдырылды. Тұрғындарға дауыс күшейткіш арқылы есіктерді мықтап жауып, баспалдақ алаңына шықпау хабарланды» делінген ТЖД мәлімдемесінде.

Оқиға орнына жедел штаб жұмылдырылған. Олар шығыс және батыс жағында өрт сөндіру аймақтарын құрды. Авариялық-құтқару жұмыстары кезінде газ-түтіннен қорғау қызметінің бөлімшелері қызметкерлері 177 адамды эвакуациялады. 27 адам құтқарылды, оның ішінде бес бала, сонымен қатар екі үй мысығы. Өртті жою үшін өрт саптамалары енгізілді, гидранттарға автоцистерналар орнатылды. Баспалдақ алаңдарында түтіннің шоғырлануын азайту үшін түтін шығаратын өрт сөндіру машиналары пайдаланылды. Адамдарды құтқару және эвакуациялау үшін АКТП-54 – автоматты телескопиялық топсалы жебе көтергішін пайдаланылды.

Құтқару және өртті сөндіруге 85 қызметкер мен 23 техника жұмылдырылды. Жеке көлік түріндегі өрт сөндіру көліктеріне кедергілерге қарамастан, өрт сөндіру сатылары орналастырылды. Өрт 01.10-да оқшауланды, 01.45-те жойылды, 01.45-те жойылды. Зардап шеккендер жоқ.