Өрт сөндірушілер өртеніп жатқан асханадан екі газ баллонды алып шықты

Қарағандыда қоғамдық тамақтану пунктінде өрт шықты. Онда асхана ғимараты өртенді. Апат түн ортасында орын алған. Бұл туралы Хабар24 хабарлады.

Құтқарушылар келген кезде бір қабатты жеке үйдің шатыры жанып жатқан. Едендер мен жиһаздар өртеніп кетті.

Өрттің жалпы ауданы 200 шаршы метрді құрады. 10 техника және 42 адам сол жерде жұмыс істеді.

Жанып жатқан ғимараттан екі газ баллоны шығарылды. Алдын ала нұсқа бойынша өрттің шығуына ашық от көзі себеп болған.