Ростовтағы бас автовокзалда барлық рейстер тоқтатылды

Теміржол вокзалында жолаушылардың көптігі байқалады. Ростов-на-Дону тұрғындары қаланы тастап кетуге әрекеттенуде.

Telegram арналарында жарияланған суреттер  Ростов тұрғындарының жанармай құю бекеттерінің алдында ұзын-сонар кезекке тұрғанын көрсетеді.

Қаладан жеке көліксіз шығу да қиын: БАҚ жүздеген адам жиналған қала маңындағы теміржол вокзалы перронынан түсірілген кадрларды жариялады. «Коммерсантъ» газеті қаланың басқа вокзалдарында да адамдар толып жатқанын жазады. «Донавтовоказал» сайтының хабарлауынша, бүгін Ростов-на-Донудан автобус бағыттары толығымен тоқтатылды.

Бұл ретте қалалық дүкендердегі сөрелер тез босап жатыр. Әсіресе, жергілікті тұрғындар нан мен жұмыртқа сатып алуда. Кейбір дүкендер тіпті әлеуметтік маңызы бар тауарларды сатуды шектей бастады.

Бүгін таңертең қалаға «Вагнер» тобының жауынгерлері кірді. Жеке әскери компанияның негізін қалаушы Евгений Пригожин Ростов-на-Дону аумағындағы барлық маңызды әскери нысандарды жалдамалылар бақылайды деп мәлімдеді.

Ростовтағы «Блокнот» басылымы вагнерліктер адамдарды заңсыз ұстайды деп жазады: бұл, кем дегенде, екі ер адаммен болды - белгісіз себептермен Вагнертобының жауынгерлері оларды жерге жатқызған.