«Росатом жобаларын көрсетті»: Балқаш жағасында алғашқы АЭС-тің құрылысы басталады

Алматы облысы Жамбыл ауданы Үлкен ауылы маңында Қазақстанда АЭС салу жобасы бойынша жұмыстардың басталуына арналған салтанатты іс-шара өтті, деп хабарлайды Orda.kz.

АЭС құрылысының ресми ашылуында Қазақстанның атом энергетикасы агенттігінің төрағасы Алмасадам Сәтқалиев пен Ресейдің «Росатом» мемлекеттік корпорациясының бас директоры Алексей Лихачёв болды. 

Үлкен ауылында алғашқы атом электр станциясын салатын «Росатом» корпорациясы өз жобаларын көрсетті.

Ресейлік компания өкілдері шағын форматта сурет көрмесін ұйымдастырып, Беларусь, Венгрия, Бангладеш және Түркиядағы нысандарын таныстырды. 

Еске сала кетейік, Қазақстандағы алғашқы АЭС-ті ресейлік «Росатом» корпорациясы салатын болды. Ал екінші станцияның бас мердігері ретінде Қытайдың CNNC компаниясы таңдалуы мүмкін.