«Оператор РОП» компаниясының басшысына қатысты тың дерек пайда болды

«Оператор РОП» компаниясының басшысы Медет Құмарғалиевтің жұбайы және штаттан тыс қоғамдық қорғаушысы Әсем Instagram желісіндегі жеке парақшасында полицияның халықты адастырып жатқанын мәлімдеді.

– Бүгін барлық БАҚ-та күйеуімнің ұсталғаны туралы ақпарат жарияланды, хабарламада оның елден кетуге тырысқандығы туралы да ақпарат бар. Мен өз кезегінде күйеуімнің елде қалғанын хабарлаймын. Берілген ақпарат шындыққа жанаспайды. Медет Құмарғалиев ешқашан Қазақстаннан кетуді ойламаған. Мен қоғамдық қорғаушы ретінде оның атынан шығып, әділдіктің салтанат құруы үшін күресетін боламын, – деді Әсем Құмарғалиева.

Бүгін Қазақстан астанасында Медет Құмарғалиев пен Экология вице-министрі Ахметжан Пірімқұлов ұсталды. Олар сыбайлас жемқорлыққа қатысы бар деген күдікке ілінді.