Ринат Зайытов халықтың топан суға дайындығы туралы әлеуметтік желіге жазба жариялады

Ринат Зайытов халықтың топан суға өз бетінше дайындалғаны туралы әлеуметтік желіге жазба жариялады, деп хабарлайды Orda.kz порталы.

«Елімізде болған төтенше жағдай бізге біраз сабақ берді. Апаттарға кез-келген уақытта дайын болу соның бірі. Абай облысы Ақсуат, Көкпекті аудандарында үлкен зауалдардың алдын алғаны көрініп тұр. Ия, шығын жоқ емес, бар. Бірақ, салыстырмалы түрде көп кеселден аман. Сапар барысында түсінгенім ең бірінші жергілікті басшылық халықты ұйымдастыра білуі керек. Орталықтың көмегі көзді ашып-жұмғанша келе салмайды. Абай обылысындағы жұрт судың тасуына дайындалғаны көрініп тұр. Соның арқасында бірнеше ауыл іргесіне келген топан суды өз күшімен бұрған. Әрине, басы-қасында жергілікті атқамінерлер жүр. Шіркін, Қазақстанның әр ауданында осындай ұйымшылдық болғанда ғой…» деп жазды депутат.

Сондай-ақ депутат бұл жағдайда биліктің қолы байлаулы болғанын да тілге тиек етті.

«Сонда да көреген халық бірлік танытып, жұмыла әрекет жасаған.
Ендігі кезекте топан судан зардап тартқан елдің шығынын уақтылы өтеп, келесі болуы мүмкін апаттарға барынша дайындалу керек. AMANAT партиясы еліміздің түпкір-түпкіріне өз өкілдерін жіберіп, сол нәтижемен тиісті жұмыстарды жүргізуде. Бастысы, қандай сынақ келсе де бірліктің алмайтын белесі жоқ. Осыны ұмытпайық. Ел аман, жұрт тыныш болғай»де п жазды ол.