Айтыскер ақын Ринат Заитов «Ащы болса да ақиқат» бағдарламасына берген сұхбатында ЛГБТ өкілдеріне көзқарасы туралы айтты.
Бұл туралы Orda.kz хабарлады.
Ринат Заитовтың айтуынша, Қазақстанда ЛГБТ өкілдерінің көбеюі сахнаға боянған жігіттер шыққан кезден басталған.
— Мен ЛГБТ сияқтыларға баяғыдан қарсымын. Бұл мәселе көзді үйретуден басталды. Қазір бізде осындайларды көрсететін бір телеарна бар. Олар 24 сағат соны көрсетеді. Бала-шағаға көрсетпеуге тырысамыз. Біз әу бастан айтқанда әдейі мән бермеді ма белгісіз. Солардың жоғары жақта қамқоршылары көп-ау деймін, Қаржыландырушылары да табылып қалар. Қанша олар жоқ дегенмен бетке басылып көрініп тұрған нәрсе, – дейді айтыскер.
Ақын полицияның алаңға шыққан халықты емес, ЛГБТ өкілдерін қолдағанына наразы екенін жеткізді.
— Аш-жалаңаш халық теңдік сұрап көшеге шықса қолын қайырып алып кетеді, ал бүкіл ұрпақтың тамырына балта шапқысы кеп отырған адамдар талтаңдап жүреді. Оларға полиция қызметкерлері қорған болады, – дейді Заитов.
