Риддерді жылумен қамту жүйесін жөндеуге 8,4 млрд теңге бөлінеді

Қазақстан үкіметі Риддер қаласындағы тіршілікті қамтамасыз ету нысандарын жөндеуге үкіметтік резервтен 8,4 млрд теңге бөлінетін қаулы қабылдады.

Бұл туралы премьер-министрдің сайты хабарлады.

«Атап айтқанда, Қазақстан Республикасы Үкіметі резервінен 2023 жылға арналған республикалық бюджетте кезек күттірмейтін шығыстарға көзделген жалпы сомасы шамамен 8 млрд 400 млн теңге қаражат Шығыс Қазақстан облысының Риддер қаласына бөлінді» делінген хабарламада.

Үкімет мәліметінше, қаржының басым бөлігі қазандықтар мен жылу желілерін күрделі жөндеуге бағытталады. Сондай-ақ, қаржыландыру отынмен қамтамасыз ету галереясы мен аспирациялық жүйені күрделі жөндеуге бағытталады.

23 наурызда Риддер ЖЭО-да № 6 қазандық ауданындағы отынмен қамтамасыз ету галереясында көмір шаңы пайда болды. Жарылыс толқыны шамамен 80 шаршы метр болатын қоршауды қиратты. Аймақтық ауқымда төтенше жағдай жарияланды.