Риддерде полицей әріптесін зорлады деген күдікке ілінді

Риддерде полицей әріптесін зорлады деген күдікке ілінді. Қазіргі таңда күдікті қамауға алынды. Оның басшысы жұмыстан қуылды.

«Ол теріс қылық жасағаны үшін, құқық қорғау органдарының атына кір келтіргені үшін жұмыстан босатылды. Ал оның тікелей басшыларын жұмыстан босату туралы шешімді қалалық ішкі істер басқармасының бастығы шығарды» деп жазды Шығыс Қазақстан облысы полиция департаментінің басшысы Сағат Мәдиев өзінің Facebook парақшасында.

Telegram каналдардың бірінде іс 26 қараша ҚР Қылмыстық кодексінің 120-бабы «Зорлау» бойынша тергеудің бірыңғай реестріне тіркелгені туралы айтылған. Күдікті ретінде Риддер қаласы полицейіне іздеу жарияланды.

Күдікті қамауға алынып, уақытша ұстау изоляторына қамалды.

Сонымен бірге, ресми ақпаратта Шығыс Қазақстан облысының полицейлері бұрынғы қызметкердің қандай бап бойынша күдікке ілінгенін атамады.