Риддерде үйлері өртеніп кеткен түрғындар жаңа үйге сеніңкіремей отыр

Үлкен орман өртінен зардап шеккен Риддер қаласының тұрғындары билік уәде еткен жаңа үйлердің сапасына күмән келтіріп отыр. Енді салына бастаған үйлерден 15-ке жуық заң бұзушылық анықталған.

Бұл туралы Orda.kz 31 арнаға сілтеме жасап хабарлады.

Өрттен зардап шеккендердің айтуынша, іргетасқа арналған блоктарда жарықтар бар, олар битуммен нашар жабылған. Құрылысшылар бастапқыда қабырғаларын кірпішпен салғылары келген, бірақ олар қолда үгітіліп тұратын газ блоктарын әкелген.

 – Құрылысшылардың қолында тұрған жоба олар салғаннан мүлдем өзгеше. Іргетасқа өте сапасыз блоктар жеткізілді, олар қирап жатыр. Битумды екі қабатпен қаптау керек, - дейді орман өртінен зардап шеккен Виталий Коробейников.

Тау етегінде үйлер салынып жатыр, бірақ жақын маңда сарқырап бұлақ ағып тұр. Мұнда қыста қар көп жауады, сондықтан көктемде су басу қаупі жоғары.

Құрылыс материалдарын өндіруші егер блоктар қолда үгітіліп тұрса, олардың тығыздығы төмен болғаны деп түсіндірді. Үй иелеріне ол еш қауіп төндірмейді, тек қабырғаға теледидар мен сөрелерді іле алмайды.

Сәулет және қала құрылысы бөлімінде өрттен зардап шеккен тұрғындарға мұндай үйлерге жобалық-сметалық құжаттама қажет емес, құрылыс материалдары сертификатталған деп сендірілді.

Бірақ өрттен зардап шеккен тұрғындар мемлекеттік комиссия құруды және өрттен зардап шеккендерді оның сапасына бақылау жасау үшін қосуды талап етті.

Еске салсақ, 10 мамырда Лесхоз елді мекенінде өрт болған. Орманнан шыққан өрт тұрғын үйлерге жайылған. Бір адам қайтыс болды, екеуі ауруханаға түсті.

31 үй толығымен жанып кетті.

Шығыс Қазақстан облысының әкімі зардап шеккендерге жаздың соңына дейін жаңа үй салынады деп уәде берді.

11 мамырда полиция өртке күдіктіні ұстады. Бұл 35 жастағы жергілікті тұрғын болып шықты, бұрын сотталмаған. Іс Қылмыстық кодекстің 204-бабы бойынша ашылды.