Риддер ЖЭО-да көмір қоры жеткіліксіз

Риддер ЖЭО-дағы көмір қоры нормативтерге сәйкес келмейді, деп хабарлайды Orda.kz.

Бұл жайлы энергетика министрі Алмасадам Сәтқалиев мәлімдеді.

«Энергия көздерінің отын қоймаларында 5,2 миллион тонна көмір мен 88 мың тонна мазут жиналған, бұл нормативке сай келеді. Алайда, Риддер ЖЭО-да көмір қоры 14 тәулікке сай болды, ал норма бойынша 20 тәулік болуы қажет. Көмір қорын жинау жұмыстары жалғасуда», — деді Сәтқалиев үкімет отырысында.

Сонымен қатар, ЖЭО-да №3 және 6 қазандықтар жұмыс істеп тұр. №1 және 2 қазандықтардың жөндеу жұмыстары аяқталды, №4 және 5 қазандықтарды 10 қарашаға дейін аяқтау жоспарлануда. Министрдің айтуынша, жылыту маусымында жұмыс істеп тұруы тиіс 3 қазандық болуы керек.