«Риддер ЖЭО» 20 мыңнан астам тұтынушының шығынын өтеді

«Риддер ЖЭО» АҚ басшылығымен 20 мыңнан астам тұтынушыға жеткіліксіз берілген жылу үшін қайта есептеу жүргізілді.

Шығыс Қазақстан облысының прокуратурасы нақтылағандай, мемлекет басшысының және Қазақстан Республикасы Бас прокуратурасының тапсырмасы бойынша Шығыс Қазақстан облысының прокуратурасы «Риддер ЖЭО» АҚ қызметін тексеруде.

«Тексеру барысында тұрғындарды жылу энергиясымен толық қамтамасыз етпеу және оның сапасының нашарлау фактілері анықталды.Тұтынушылардың құқықтарын қорғау мақсатында облыс прокуратурасы Реттеу департаментіне қадағалау актісін енгізді. Шығыс Қазақстан облысы Табиғи монополиялар басқармасының «Риддер ЖЭО» АҚ қайта есептеуді қамтамасыз ету бойынша шаралар қабылданды» делінген хабарламада.

Осыған байланысты «Риддер ЖЭО» АҚ 21,7 мың тұтынушының 63 млн теңге көлеміндегі шығынын қайта есептеу арқылы өтеген.

19 қаңтарда Риддердегі жылу электр орталығында жанар-жағармаймен қамтамасыз ету цехында өрт шықты.

Шығыс Қазақстан облысы әкімдігінің баспасөз қызметі құқық қорғау органдары тексеру жүргізіп жатқанын, оның нәтижесінде «Риддер ЖЭО» не мемлекет меншігінде болатынын, не оны істете алатын инвесторға берілетінін хабарлады. Риддер тұрғындары алдындағы барлық міндеттемелерді және қарыздарын «жабу» ғана емес, сонымен қатар жабдықтар мен желілерді күрделі жөндеуден өткізу де ескеріледі.

Шығыс Қазақстан облысының әкімі Даниал Ахметов өрттің шығуына кәсіпорын иелерінің қылмыстық салғырттығы себеп болды деп есептейді.