Крейсерден атылған баллистикалық зымыранның видеосы жарияланды

Бүгін РФ президенті Владимир Путин мен Беларусь президенті Алексендр Лукашенко Кремльде келіссөздер жүргізді. Келіссөзден кейінгі баспасөз конференциясында қос президент Украина тарапы мен батыс елдерін әбден сынға алды.

Осы сәттен бастап ресейлік баспасөз құралдары мен телеграм арналары, артынша РФ Қорғаныс министрлігінің ресми баспасөз қызметі баллистикалық зымырандардың ұшырылып жатқанын және жойғыш ұшақтардың оқ атқылап жатқанын бейнелейтін кадрларды жүктеуде.

«Қорғаныс министрлігі «Синева» баллистикалық зымыранының «Карелия» крейсерінен атылған сәтіндегі видеоны жариялады. Зымыран «Кура» полигонына дейін ұшып жетті», - деп жазды РиаНовости порталы.