Режеп Тайып Ердоғанның жүрек ауруы бар – БАҚ

Түркия президенті Режеп Тайып Ердоғанның денсаулығы жайлы соңғы уақытта жиі дау-дамай мен әңгімелер көбеюде. Оның израильдік кардиологтан медициналық кеңес алуы да сөз болуда.

Бұл туралы 20 қаңтар күні израильдік «Едиот Ахронот» («Соңғы жаңалықтар») газетінің ағылшын тіліндегі интернет-басылымы Ynetnews хабарлады.

Басылым мәліметінше, Тель-Авивтегі Сураски («Ихилов» ауруханасы) атындағы медициналық орталықтың бас директорының орынбасары профессор Ицхак Шапира түрік көшбасшысына дәрігерлік кеңес берген.

«Ол — жоғары білікті кардиолог. Бұл түрік көшбасшысының жүрек ауруы бар екенін көрсетуі мүмкін. Бірақ бұл болжамды растайтын ресми ақпарат жоқ» делінген басылым мақаласында.

Ynetnews Шапираны Израильдің екінші ірі клиникасында медициналық туризм жетекшісі деп атады. Ол «медициналық мәселелер мен емдеу бойынша әлемдік көшбасшыларға кеңес береді».

«Ердоған мен Шапира арасындағы өте жақын қарым-қатынас бар» басылым дереккөздерінің айтуынша, егер олар Түркияда израильдік кардиологпен кездессе, оған таң қалатын ештеңе жоқ.

Сураски атындағы медициналық орталық пен дәрігер Шапира бұл жағдай бойынша түсініктеме беруден бас тартты.