Режеп Тайып Ердоған Ауғанстандағы жағдайға қатысты пікір білдірді

Түркия «Талибандармен» (Қазақстанда тыйым салынған ұйым) ашық байланыс орнатады. Ел президенті Режеп Тайып Ердоған Ауғанстандағы жағдайға қатысты пікір білдірді.

Бұл туралы Orda.kz хабарлайды.

Сондай-ақ, ол Ауғанстандағы жаңа билік «ауған халқының алуан түрлілігін көрсететіндей инклюзивті болуы керек» деп атап өтті.

Ердоғанның айтуынша, тәліптер бұрынғы қателіктерін қайталамауы керек. Ауғанстанда тұратын барлық халықтар мен ұлыстарға құрметпен қарауға міндетті.

Бұған дейін Түркия президенті «Талибан» қозғалысының мүшелерімен бірге мәселелерді шешу үшін келіссөз үстеліне отыруға дайын екенін мәлімдеген еді.

Еске салайық, 15 тамызда талибандар Кабулға кіріп, Ауғанстан аумағын толық бақылауға алғанын мәлімдеді.Содырлар Кабулдағы президент сарайын басып алған. Мемлекет басшысы Ашраф Ғани отставкаға кетті.