Республикалық жолдардан жол белгілері мен қоқыс контейнерлері ұрланып жатыр

Республикалық маңызы бар жолдардағы жол белгілері мен техникаларды ұрлау фактілері жиілеп кеткен. 2024 жылы осындай жағдайлар 1,35 миллион теңге көлемінде шығын әкелді, деп хабарлайды Orda.kz «ҚазАвтоЖол» компаниясына сілтеме жасап.

Ұрылар стробскоптарды, күн батареяларын, қаңылтырларды, қоқыс контейнерлерін, шамдарды, жол белгілерін және су өткізгіш қалқандарды ұрлаған. Осы фактілер негізінде «ҚазАвтоЖол» құқық қорғау органдарына көп арыз түсірген.

Ұрлық мемлекетке зиян келтіріп қана қоймайды, сонымен қатар жүргізушілер мен жаяу жүргіншілердің қауіпсіздігіне де кесірін тигізіп, төтенше жағдай тудырады.