Республикалық бюджеттен ЕҚБА-ға 32,1 млрд теңге бөлінді

2021 жылғы қаңтарда республикалық бюджеттен 32,1 млрд теңге ЕҚБА- ға бөлінді. Оның ішінде мүгедектігі бойынша мемлекеттік әлеуметтік жәрдемақы төлеуге 25,4 млрд теңге, асыраушысынан айырылғандарға 6,7 млрд теңге төленді.

1 ақпандағы көрсеткіш бойынша осы категориядағы жәрдемақы алушылардың саны 521,5 мың адамды, асыраушысынан айрылу жағдайы бойынша 165,9 мың адам.

Мүгедектік және асыраушыдан айрылу жағдайы бойынша мемлекеттік әлеуметтік жәрдемақылардың мөлшері мүгедектіктің тобы мен себебіне, қайтыс болған (қаза тапқан) асыраушының асырауында болған адамдардың санына, сондай-ақ тиісті қаржы жылына арналған «Республикалық бюджет туралы» заңда белгіленген ең төменгі күнкөріс деңгейіне байланысты болады.

2021 жылғы 1 ақпандағы жағдай бойынша мүгедектігі бойынша мемлекеттік әлеуметтік жәрдемақының орташа мөлшері 48 693 теңгені, асыраушыдан айрылу жағдайы бойынша мемлекеттік әлеуметтік жәрдемақының орташа мөлшері 40 180 теңге болды.