Республикалық адвокаттар алқасының төрағасы Қадыржан Баймұханова өз өкілеттігін тоқтатты

Республикалық адвокаттар алқасының төрағасы Қадыржан Баймұханова өз еркімен қызметінен кетті. Бұл туралы оның алқа сайтында жарияланған мәлімдемесінде айтылған.

— 12 наурызда мен өз еркіммен осы орыннан бас тарту туралы шешім қабылдадым. Мен адвокатураның игілігі үшін жұмыс істеген әріптестеріме ризамын. Сондай – ақ, республикалық конференция делегаттарына алғысымды білдіремін, - деді ол.

Қадыржан Баймұханова өзінің мансабы барысында адвокаттар мүдделерін қозғайтын құқықтық актілерді әзірлеу және қабылдау кезінде адвокатураның ұстанымын қорғағанын айтты.

— Біз біртіндеп қылмыстық процесте де, мемлекет кепілдік берген заң көмегі жүйесіне қатысатын адвокаттардың еңбегіне ақы төлеу мәселелері бойынша да адвокаттардың құқықтарын кеңейтуге қол жеткіздік. Әрине, барлық мәселелерді бірден шешу мүмкін емес. Жаңа заман жаңа міндеттер қояды. Бұл міндеттер адвокаттық қоғамдастықпен де табысты шешілетініне сенімдімін. Осы міндеттерді шешу үшін жас көшбасшылардың уақыты келді. Сондықтан мен өз өкілеттілігімді тоқтату туралы шешім қабылдадым, – деп атап өтті ол.

Қадыржан Баймұханова Республикалық адвокаттар алқасын 2018 жылдың қараша айынан бастап басқарды.