Республика күніне ерекше сый – Алматы аспанын қобыз үні тербеді

Республика күніне ерекше сый жасағысы келген Ләйлә Тәжібаева парашютпен секіріп, әуеде қобыз тартты.

«Біз Гиннестің рекордтар кітабына кіргіміз келді. Ол жаңашылдық  – парашютпен секіріп, бір мезгілде қобыз тарту. Бұл бұрын болмаған жаңа тәжірибе. Меніңше, парашютпен секірген адамға әуедегі қимылдардың бәрі оңай көрінетін сияқты», – дейді Ләйлә Тәжібаева.

Ләйлә Тәжібаева Республика күніне арнап, Алматы аспанында  Ықыластың «Жез киік» күйін орындады. Көптеген жазылушылары оның керемет әрекетін оң бағалап, мадақ сөздерін аямады.