Республика күні елімізде 850 сәби дүниеге келді

25 қазанда 850 жаңа туған нәресте дүние есігін ашты. Олардың ішінде жеті жұп егіз, 416 қыз және 434 ұл бала бар, деп хабарлайды Orda.kz Денсаулық сақтау министрлігінің баспасөз қызметіне сілтеме жасап.

Бұл көрсеткіш бойынша Түркістан облысы бірінші орында, онда 122 бала дүниеге келсе, одан кейін елорда, Астанада 89 отбасы нәрестелі болды. Үшінші орында Алматы қаласы, мұнда 88 сәби дүниеге келді.

Денсаулық сақтау министрлігінің мәліметінше, босанған әйелдер мен жаңа туған нәрестелердің денсаулығына жауапты мамандардың барлығы тәулік бойына кезекшілікте.