«Ресми түрде ажырастық»: Әйелін ұрып-соққан Қазақстан елшісі сотталды

Қазақстандық дипломат Сәкен Мамаштың жұбайы Карина Мамаш әлеуметтік желіде отбасылық зорлық-зомбылық туралы мәлімдемесінен кейін ажырасқанын ресми түрде растады, деп хабарлайды Orda.kz.

Ол Instagram парақшасында оқырманының сұрағына жауап беріп:

«Иә, мен ресми түрде ажырастым» деп жазды.

Карина Мамаштың айтуынша, 5 мамырда оның күйеуі Сәкен Мамаш өзі мен қонаққа келген сіңлісін аяусыз соққыға жыққан.

Оқиғадан кейін Қазақстанның Сыртқы істер министрлігі Мамашты Біріккен Араб Әмірліктерінен Қазақстанға қайтарып алды. Карина Астанаға оралып, балаларымен дағдарыс орталығына орналасты.

Сәкен Мамаш 110-бап бойынша, яғни «Зорлық-зомбылық көрсету» айыбы бойынша жеті жылға дейін бас бостандығынан айырылуы мүмкін. 28 маусымда сот оған әйелінің  сіңлісіне шабуыл жасағаны үшін 15 тәулікке қамауға алу шешімін шығарды.